Bam gacmeed lagu qarxiyay isgoyska Siinaay

(SomaliNet) Ugu yaraan hal 6 qofood ayaa dhaawac ka soo gaaray kadib markii kooxo aan la garan ay bam gacmeed ku soo tuureen ciidamo ka tirsan booliska oo howlgal ka waday isgoyska Siinaay ee magaalada Muqdisho.

Dadka dhaawaca soo gaaray ayaa la sheegay inay ku jiraan qaar ka mid ah ciidamada booliska ee halkaasi ku sugnaa, iyadoo dadka deegaanka ay cadeeyeen in gaari nuuciisu uu yahay Toyoto Surf laga soo tuuray bamka.

Qaraxa bamka ayaa ka dhacay meel shidaalka lagu iibiyo oo Siinaay ku taalo, taasoo sare u sii qaaday qaraxa iyo dhaawaca dadka soo gaaray, waxayna sidoo kale aheyd boosteejo laga raro gaadiidka u ambabaxo qeybo ka mid ah magaalada Muqdisho.

Ma ahan markii ugu horeeysay ee qaraxayo loo geysto ciidamada booliska soomaaliyeed ee Muqdisho ku sugan.