Dab qabsaday xero qaxooti oo Muqdisho ku yaalo

(SomaliNet) Xeradii ciidankii guulwadayaasha ummada soomaaliyeed ee magalada Muqdisho oo sannadihii ugu dambeeyay hoy u aheyd dad soomaaliyeed oo soo barakacay ayaa maanta dab uu haleelay xeradaasi.

Abaarihii 11:30 daqiiqo ayuu dab xoogan ka kacay xeradaasi, iyadoo oo aan ilaa iminka la ogeyn waxa sababay dabkaasi iyo qasaaraha rasmig ah ee uu geystayba inta ay la eg yihiin.

Wararka qaar ayaa sheegaya in dabka in caruur iyo dad waayeel ah ay ku geeroyiideen dabka ka kacay xerada ciidankii guulwadayaasha ummadda soomaaliyeed.

Odoyaasha deegaanka ayaa haatan wado dadaal lagu doonayo in lagu damiyo dabka qabsaday xeradaasi oo lagu soo waramayo in qasaare isugu jira naf iyo maal uu sababay, iyadoo aysan jirin wax gurmad ah oo dadkaasi dhibaateysay uga yimid dhanka dowlada federaalka Somalia.

Ma ahan markii ugu horeeysay ee dab qabsado xiliyadan oo kale ooay dabeyluhu socdaan , kaasoo markasta waxyeelo u geysto dadka soo barakacay ee Muqdisho ku nool qasarooyin isugu jira naf iyo maal, iyadoo falkani sidoo kale uu ku soo beegmayo weerar xalay lagu qaaday xerada Coca Cola ee isla muqdisho ku taalo, taasoo ay kooxo dableey ah ay jir dil ugu geysteen dadkii ku dhaqnaa xeradaasi.