Dagaalo ka dhacay dhulka soomaalida ee Ethiopia

(SomaliNet) Wararka laga helayo dhulka ismaamulka soomaalida ee Ethiopia ayaa sheegaya in dagaalo beeleed uu halkaasi ka dhacay maal-mihii ugu dambeeyay.

Dagaaladaasi ayaa ugu yaraan waxaa ku dhintay in kabadan 5 ruux sida ay xaqiijiyanayaan dadka deegaankaasi, iyadoo tiro inmtaasi ka badana ay ku dhaawacmeen.

Xiisada ay abuureen dagaalaasi ayaa cirka isku siui sheereeray kadib markii hogaamiyayaasha dhaqanka ee beelahaasi ay ciidamada dowlada Ethiopia ay xabsiga u taxaabeen, inkastoo markii dambe la sii daayay.

Dagaalada ka dhacay dhulka baadiyaha ah ee tuulooyinka Labo Baar iyo Magoog ayaa sidoo kale saameyn ku yeeshay isku socodka labadaasi beelood oo wada dega deegaamada qeybo ka mid ah dhulka ismaamulka ee Soomaalida Ethiopia, waxayna ciidamada xukuumada Ethiopia ay dadaal xoogan ugu jiraan hakinta iyo ka hortaga in dagalo kale ay deegaamadaasi ka dhacaan.

Ma ahan markii ugu horeeysay ee dagaalo ka dhacaan dhulka soomaalida ee Ethiopia.