Haaman ku soo caariyay xeebaha dalka Somalia qaarkood

(SomaliNet) Wararka laga helayo xeebaha gobolka Jubba hoose ee dalka Somalia ayaa sheegaya in maanta halkaasi lagu arkay haaman ku soo caariyay xeebaha Kabora iyo Goobweyn oo ah jasiirado ku yaalo gobolkaasi.

Ilaa hadda lama oga waxyaabaha ku jira iyo cida ku daadisay, hase yeeshee waxaa loo maleynayaa in maraakiibta ku safarta xeebaha dalka Somalia qaarkood ay ka dambeeyaan inay ku daadiyaan waxyaabaha haraaga ee warshadaha.

deegaanka Goobweyn oo waqooyi kaga beegan Kismaayo ayaa lagu arkay haan weyn oo si tartiib tartiib ah ugu soo durqeysa dhganka banaan, taasoo cabsi weyn ku beertay dadka deegaan waxa haantaasi ku guda jira.

ma ahan markii ugu horeeyay ee haaman lagu arko qeybo ka mid ah xeebaha dalka Somalia, taasoo aan la garankarin cida ku daadisay xeebaha dalka Somalia, basle qaarkood ayaa dadka soomaaliyeed looga digay inay u dhawaadaan.

Hay-ada D.B.G sahan ay sameysay ayaa lagu ogaaday in ugu yaraan 15 haamood oo qaarkood la dahaaray ayaa lagu arkay qeybo ka mid ah xeebaha dalka Somalia, kuwaasoo qaar ka mid ah la sheegay in si gaar ah loo daboolay si mudo dheer aysan waxyeelo u geysan.