Hoobiyayaal lagu weeraray dekeda Muqdisho

(SomaliNet) Ugu yaraan ilaa 7 ruux ayaa dhaawac ka soo gaaray inta la hubo kadib markii maanta salaadii jimco kadib weerar hoobiyayaal ah lagu qaaday dekeda weyn ee magaalada Muqdisho.

Hoobiyayaasha ayaa sidoo kale ku dhawacay xaafada Xamar Jajab ee magalada Muqdisho, halkaasoo la sheegay inuu ku habsaday qoys halkaa ku noolaa, iyadoo dadka dhaawaca uu soo gaaray ay ku jireen labo caruur ah oo xaafadaasi ku noolaa, kuwaasoo loola cararay isbitaalada Muqdisho ku yaalo.

Lama oga cida ka dambeysay weerarka hoobiyayaasha ee dekeda lala beegsaday, balse waxaa loo maleynayaa inay yihiin weeraradii dhawaanahaan lagu qaadayay goobaha ay dowlada federaalka ku usgan yihiin.

Ciidamada dowlada federaalka ee Somalia iyo kuwa gacan siinaya dowlada ee Ethiopian-ka ayaan wax jawaab ah ka bixin weerarkaasi hoobiyayaasha ah sidii horey looga bartay.

Maal-mihii ugu dambeeyay ayay Muqdisho ka nasatay weerarada nuucaan oo kale ah, kuwaasoo dhaliyay qaxa dd badan oo ku dhaqan magaalada Muqdisho, kuwaasoo xamili waayay dhawaaqa madaafiicda ee sida arxan darada la isugu ridayo.