Madexweynaha somalia oo dib dalka ku soo laabtay

(SomaliNet) Wafdi uu hogaaminayay madexweynaha dowlada federaalka ee Somalia md Cabdulaahi Yuusuf Axmed ayaa maanta dib ugu soo laabtay magaalada Baydhabo ee xarunta K.M. ah ee dowlada somalia.

madecxweynaha oo ka hadlay socdaalkii uu ku soo kala bixiyay dalalka Ethiopia iyo Ingiriiska ayaa sheegay inuu guul ugu soo dhamaaday socdaalkaasi, isagoo xusay in dowlada Ingiriiska ay aqoonsatay dowlada Somalia, wuxuuna tilmamaay in kulamo uu la qatay masuuliyiin ka tirsan xukuumada Ingiriiska ay u balan qaadeen inay taageero weyn u fidin doonaan dowlada federaalka ee Somalia.

Madexwenuhu wuxuu kaloo uu xusay in madexda dalalka ku jira golaha iskaashiga Sanca ay sidoo kale iyaguna u balan qaadaan inay taageeri doonaan dowlada federaalka ee somalia, isla maraana ay ka gacan siin doonaan xasilooni ku soo dabaalida dalka somalia.

Ugu dambeyntii madexweynuhu wuxuu tilmaamay inuuwarbixin dheer ka soo saari doono maal-maha soo socda safarka uu ku tagay dalalka ingiriiska iyo Ethiopia iyo waliba waxyaabaha ka soo baxay kulamadii u la yeeshay masuuliyiinta dalalkaasi.